Ghazal by Qateel Shifai – Seene Mein Hasraton ki Jalan

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.7/5 (3 votes cast)

Ghazal by Qateel Shifai

 ♥
Seene mein hasraton ki jalan chahta nahin
Gham ab koi naya, mera man chahta nahin

Wo mere shehr-e-dil mein agar aa basaa to kya
Wo kon hai jo apna watan chahta nahin

InsaN tha wo, ghamoN ne farishtah bana diya
Ab wo t’alluqaat-e-badan chahta nahin

Kehte hein us ke haal pe rote hein devta
Jis sanvri ko us ka sajan chahta nahin

Hona ho jis ko dafn khud apne hi sabr mein
Wo chehra aansuooN ka kafan chahta nahin

Us ko n paa ke jo use ruswa kare “Qateel”
Mein ayse zalimoN ka chala chahta nahin

Mazeed: kalam-e-Qateel Shifai

Share and Enjoy

Kaante Wo Raste Mein Bichha Kar Chale Gaye | Fani

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 2.0/5 (1 vote cast)

Fani Badayuni Ki Behtareen Shayari

Misl-e-khayal aaye the, aa kar chale gaye
Duniya hamare gham ki basa kar chale gaye

Phoolon ki aas dil se lagaye hue the ham
Kante wo raaste mein bichha kar chale gaye

Aayi na thi hamare chaman mein bahar abhi
Wo khwaab aashiyaN ke dikha kar chale gaye

Bhule se bhi kabhi n unhe ham bhula sake
Dil se hamen wo apne bhula kar chale gaye

By Fani Badayuni

Mazeed : Kalam e Fani Badayuni

Share and Enjoy

Mohtarama Nuzhat Anjum – Mushaira Video

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.2/5 (6 votes cast)

Nuzhat Anjum Mushaira Video

Jaam aysa teri aankhon se ataa ho jaye
Hosh mawjood rahe aur nasha ho jaaye

 

Dr Nuzhat Anjum Tahzib e urdu,kuwait kay zer e ahtemam Aalmi Mushaira 13th feb 2014

Us ko dekhun to mein is tarha se dekhun “Nuzhat”
Sharm aankhon mein rahe aur khtaa ho jaaye

Share and Enjoy

Ab n Wo Shor n Wo Shor Machane Waale | Urdu Shayari

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 4.0/5 (4 votes cast)

Urdu Shayari by Shehzad Ahmed

Ab n wo shor n wo shor machane waale
Khaak me beth gaye khaak udaane waale

Ye alag baat mayassar lab-e-goya n huwa
Dil mein wo dhoom, ke sunte hain zamane waale

Dil sa wehshi kabhi qaabu mein n aaya yaaro
Haar ka beth gaye jaal bichhaane waale

Teri qurbat me guzaare huwe kuchh lamhe hain
Dil ko tanhaai ka ehsaas dilaane waale

By Shehzad Ahmed – Return to Bikhre Moti

Share and Enjoy

Munawwar Rana Shayari – Har Ghadi Khatre Mein Rehti Hai

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.5/5 (8 votes cast)

Munawwar Rana Shayari

Bulandi der tak kis shakhs ke hisse mein rehti hai
Bahot unchi imarat har ghadi khatre mein rehti hai

Bahot jee chaahta hai qaid-e-jaaN se ham nikal jayen
Tumhari yaad bhi likin isii malbe mein rehti hai

Ye aysa qarz hai jo mein adaa kar hi nahin sakta
Mein jab tak ghar n lautun meri maa sajde mien rehti hai

Return to Bikhre Moti

Sweden HD quality wallpapers

Share and Enjoy