free web stats
Facebook Twitter Gplus RSS

Welcome to Mehfil-e-Shayri: This site is a collection of beautiful sher o shayri, famous urdu Poetry, Urdu ke ustaad shayroN ke kalam, ghazal, nazam, naat, duaa, or behtareen ash'ar ka khazana.

Jhoothe Ka Aitebaar Kiya, Ham Ne Kya Kiya.!

Published on 16/06/2013, by in Daagh Dehelvi, Mehfil-e-Shayri.
VN:F [1.9.22_1171]
Rating: 0.0/5 (0 votes cast)

<< Daagh Dehelvi >>

<< = >>

Wa’ade pe intezaar kiya, ham ne kya kiya
Jhoothe ka aitebaar kiya, ham ne kya kiya

*
HaaN haaN, tadap tadap ke guzari tum hi ne raat
Tum ne hi intezaar kiya, ham ne kya kiya?

*
Itra raha hai naqd-e-muhabbat* pe dil bohot
Auchhe ko maldaar kiya, ham ne kya kiya

*naqd e muhabbat = Muhabbat ki Dolat

*
Kya farz tha ke sabar hi karte firaaq mein
Kyun jabar ikhtiyaar kiya, ham ne kya kiya

*
Khete hain woh shikayat-e-bedaad-o-jor* par
Tujh ko khuda ne khwaar kiya, ham ne kya kiya

*bedaad-o-jor = zulm o sitam

*
Naseh* bhi hai raqeeb, ye ma’aloom hi n tha
Kis ko slahkaar kiya, ham ne kya kiya

*Naseh = Nasehat karne wala

*
Pehle to munfail* wo huwe phir bigad gaye
Kyun shikwah baar-baar kiya, ham ne kya kiya

*Mun-fail = Sharmindah

*
Keh-denge ham to dawar-e-mehshar* se saaf saaf
AchchhoN ko dil ne pyaar kiya, ham ne kya kiya

*dawar-e-mehshar = Hashr/Qayamat ke din ka malik / Allah

*
Ruswa kiya jo dil ne to ab keh rahe hen “daagh”
Dushman ko raaz-daar kiya, ham ne kya kiya

*

(( Click here for more kalam-e-Daagh Dehelvi ))

Barish Ki Barasti BundoN Ne | Shayri Image

Published on 14/06/2013, by in Images, Mehfil-e-Shayri.
VN:F [1.9.22_1171]
Rating: 2.8/5 (4 votes cast)

Barish-Ki-Barasti-Bundon-Ne

Kon Kehta He Ke Wo Dil-Daar Hai | Ghazal

Published on 14/06/2013, by in Kalam-e-Sayyid, Mehfil-e-Shayri.
VN:F [1.9.22_1171]
Rating: 5.0/5 (2 votes cast)

<< Sayyid Randeri >>

<<->>

Kon Kehta Hai Ke Wo Dil-Daar Hai

Dil Ko Jo Lag jaye Wo Aazar* Hai

*Aazar = Marz/Bimari

*

Wo kahe us but se ham ko pyar hai

Zindagi se apni jo bezaar hai

*

Aah.! Kya Unki Nazar Ka Vaar Hai

Teer Hai Barchhi Hai Ya Talwar Hai

*

Jao Ji Ab Ho Chuki Khalwat* Bohot

Yun Milo To Wasl* Bhi Bekar Hai

*Khalwat = Tanhaai | *Wasl = Milan

*

Ham Chale Kashti Liye Toofan Mein

Hath Mein Tooti Huai Patwaar Hai

*

Jeene Wale Kya Jiyenge Chen Se

Aap Ka Ahsan Jo Sarkaar Hai

*

Boj e Gham Kitna Liye Phirte The Ham

Aaj Baar-e-Zindagi* Dushwaar Hai

Baar  = boj / bhar / wazan

*

Kya Anokhi Thi Khabar Akhbaar Mein

Hamsafar “Sayyid” Ko ik Darkaar Hai

*

(( Click here for more kalam-e-Sayyid Randeri ))

Di Gai Kis Ko Sazaa Aur Khataa Kis Ki Thi | Ghazal

Published on 10/06/2013, by in Bikhre Moti, Mehfil-e-Shayri.
VN:F [1.9.22_1171]
Rating: 2.5/5 (2 votes cast)

Bikhre Moti

<<->>

Zakhm-e-tanhai main khushbu-e-hina kis ki thi
Saaya deewar pe mera tha sadaa kis ki thi

*

Uski raftar se lipti rahi meri aankhen
Us ne murh kar bhi n dekha ke wafaa kis ki thi

*

Waqt ki tarha dabe paanw ye kaun ayaa hai
Main andheraa jise samjha wo qabaa kis ki thi

*

Aansuon se hi sahi bhar gaya daman mera
Hath to main ne uthaye the duaa kis ki thi

*

Meri aahon ki zabaN koi samajhta kaise
Zindagi itni dukhi mere siwaa kis ki thi

*

Aag se dosti us ki thi, jala ghar meraa
Di gai kis ko sazaa aur khataa kis ki thi

*

Main ne beenaiyaaN Bo kar bhi andhere kate
Kis k bas main thi zamin abr-o-hawa kis ki thi

*

Chorh di kis liye tu ne “Muzaffar” duniya
justaju sii tujhe har waqt bata kis ki thi

*

By Muzaffar Warsi

*

Return to Bikhre Moti

Ham Ne Chaha Hai Tujhe Chaahne Walon Ki Tarah

Published on 06/06/2013, by in Jan Nisar Akhtar, Mehfil-e-Shayri.
VN:F [1.9.22_1171]
Rating: 3.8/5 (4 votes cast)

-: JaaN Nisar Akhtar :-

*

Ham se bhaga n karo door ghazaalo* ki tarah
Ham ne chahaa hai tumhen chahne walon ki tarah

*Ghazaalo ki tarah = HirnoN ki tarah (Ghazala = Hiran/Gazelle/Deer)

*

Khud-b-khud neend si aankhoN mein ghuli jaati hai
Mehki-mehki hai shab-e-gham* tere baalon ki tarah

*Shab-e-Gham | Gham ki Raat

*

Aur kya is se zyada koi narmi barte
Dil ke zakhmon ko chhuaa hai tere gaalon ki tarah

*

Aur to mujh ko mila kya meri mehnat ka silaa
Chand sikke hain mere haath mein chhaalon ki tarah

*

Zindagi jis ko tera pyaar mila wo jaane
Ham to naakaam rahe chahne waalon ki tarah

*

(( Click here for more Kalam-e-JaaN Nisar Akhtar ))

Afsos Hai Gulshan Ko Khizaan Loot Rahi Hai

Published on 06/06/2013, by in Akbar Allahabadi, Mehfil-e-Shayri.
VN:F [1.9.22_1171]
Rating: 0.0/5 (0 votes cast)

(Akbar Allahabadi)

*

Afsos hai gulshan ko khizaan loot rahi hai
Shaakh-e-gul-e-tar shuukh ke ab toot rahi hai

Shaakh-e-gul-e-tar = Taza phool se ladi tehni/daal

*

is qaum se wo aadat-e-derina-e-ta’at
Bilkul nahi chhooti hai, magar chhoot rahi hai

Aadat-e-derina = purani aadat | Ta’at = farmabardari / ibadat

*

(click here for more kalam-e-Akbar Allahabadi)

Ham n MajnuN Hain n Ham Farhaad Hain

Published on 03/06/2013, by in Images, Kalam-e-Sayyid, Mehfil-e-Shayri.
VN:F [1.9.22_1171]
Rating: 3.0/5 (4 votes cast)

Ham-n-majnuN-hain-n-ham-farhaad-hain

Waqt-e-Safar Qareeb Hai, Bistar Samet LuN

Published on 03/06/2013, by in Bikhre Moti, Mehfil-e-Shayri.
VN:F [1.9.22_1171]
Rating: 0.0/5 (0 votes cast)

Bikhre Moti

<<->>

Waqt-e-safar qareeb hai, bistar samet luN
Bikhra huwa hayaat ka daftar samet luN

*
Phir jaane ham milen n milen, ek zraa ruko
Mein dil ke aaine mien ye manzar samet luN

*
GairoN ne jo sulook kiye un ka kya gila
Phenke hain doston ne jo pat’thar samet luN

*
Kal jaane kaise hoNge, kahaN hoNge ghar ke log
AankhoN mien ek baar, bharaa ghar samet luN

*
“Ajmal” bhatak rahi hai zamane mein jalti aag
Jee chahta hai seene ke andar samet luN

*

By : Ajmal Ajmali

*

Return to Bikhre Moti


Fatal error: Call to a member function get() on a non-object in /home/mehfiles/public_html/wp-content/themes/response/footer.php on line 20