Bikhre Moti

Urdu Shayari : Patthar Aankhen – by Ahmad Kamaal

♥♥♥

Koi chehra huaa roshan n ujaagar aankhen
Aaina dekh rahi thi meri patthar aankhen

♥
Le udii waqt ki andhi jinhen apne hamraah
Aaj phir dhund rahi hai wahi manzar aankhen

♥
Phoot-nikli to kaiN shahar-e-tamanna doobe
Ek qatre ko tarasati hui banjar aankhen

♥
Us ko dekha hai to ab shauq ka wo alam hai
Apne hlkon se nikal aai hain bahar aankhen

♥
Tu nigahon ki zubaN Khub samajhata hoga
Teri janib to utha karati hain aksar aankhen

♥
Log marte n dar-o-baam se takara ke kabhi
Dekh lete jo ‘Kamal’ us ki samandar aankhen

♥♥♥

By Ahmad Kamaal Urdu Shayari