Ab Na Aayenge Plat Kar Kabhi Jaane Waale

-: Qateel Shifai :-

<<->>

Namaa-bar apna hawaaoN ko banaane waale
Ab na aayeNge plat kar kabhi jaane waale

*

Kya milega tujhe bikhre hue khaaboN ke siwa
Ret par chaaNd ki tasveer banaane waale

*

Sabne pehna tha bade shouq se kaghaz ka libas
Jis qadar log the barish mein nahaane waale

*

Mar gaye hum to ye katbay pe likha jaayega
So gaye aap zamaane ko jagaane waale

*

Dar O deewar pe hasrat si barasti hai “Qateel”
Jaane kis desh gaye pyaar nibhaane wale

*

( Click here for more kalam-e-Qateel Shifai )