Ehsaase ishq gham ki panaahoN meN aagayaa

Ehsaase ishq

Ehsaase ishq gham ki : A. Hafiz “Saahil Qadri” UK

♥

Ehsaase ishq gham ki panaahoN meN aagayaa
Baadal simat ke chaand ki baahoN meN aagayaa
♥
Izhaare ishq mene kisi se naheeN kiya
Or besabab jahaaN ki nigaahoN meN aagayaa

♥
Wo muskuraa ke dekh rahe heN meri taraf
Itnaa asar to ab mri aahoN meN aagayaa
♥
Kyaa poochte ho azme safar kee karaamateN
Manzil ka naqsh khud mri raahoN meN aagayaa
♥
HeN ibtidaayi marhale ye ishq ke abhi
SAAHIL ye soz kyuN tri aahoN meN aagayaa

♥

Mazeed:  Kalaam e Saahil  |  FB Page