Ghazal by Qateel Shifai – Seene Mein Hasraton ki Jalan

Ghazal by Qateel Shifai

 ♥
Seene mein hasraton ki jalan chahta nahin
Gham ab koi naya, mera man chahta nahin
♥
Wo mere shehr-e-dil mein agar aa basaa to kya
Wo kon hai jo apna watan chahta nahin
♥
InsaN tha wo, ghamoN ne farishtah bana diya
Ab wo t’alluqaat-e-badan chahta nahin
♥
Kehte hein us ke haal pe rote hein devta
Jis sanvri ko us ka sajan chahta nahin
♥
Hona ho jis ko dafn khud apne hi sabr mein
Wo chehra aansuooN ka kafan chahta nahin
♥
Us ko n paa ke jo use ruswa kare “Qateel”
Mein ayse zalimoN ka chala chahta nahin
♥

Mazeed: kalam-e-Qateel Shifai