Ghazal | Kisi Se Meri Manzil Ka Pata Paya Nahi Jata

We would be extremely happy if you would tell others by pressing the share button below.  😀

Bikhre Moti

<<->>

Kisi se meri manzil ka pata paya nahi jata
Jahan main hoon farishton se wahan aaya nahi jata

*
Mere tute huay paa-e-talab ka mujh pay ehsa’n hai
Tumhare dar se uth ke ab kahiiN jaya nahin jata

*
Chaman tumse ibarat hai, bahaareN tumse hain zinda
Tumhare saamne phooloN se murjhaya nahin jata

*
Har ek dagh-e-tamanna ko kaleje se lagata hoon
Ki ghar aayi hui daulat ko thukraya nahin jata

*
Mohabbat ke liye kuch khass dil makhsoos hote hain
Ye wo naghma hai jo har saaz pe gaya nahin jaata

*
Shair : Makhmoor Dehelvi