Urdu Ghazal By Faiz Ahmad Faiz

*

Himmat e ilteja nahin baaqi
Zabt ka hausla nahin baaqi

Zabt = Bardasht

*

Ek teri deed chhin gai mujh se
Varna duniya mein kya nahin baaqi

Deed = Deedar/Darshan

*

Apni mashq e sitam* se haath n kheench
Mein nahin ya jafaa nahin baaqi

mashq e sitam = sitam ka abhyas / practice of tormenting

*

Teri chashm e alam navaaz ki khair
Dil mein koii gilaa nahin baaqi

chashm e alam navaaz = dilasa dene wali aankhen

*

Ho chuka khatm ahd e hijr o visaal*
Zindagi mein mazaa nahin baaqi

Ahd e hijr o visaal = milan aur judaai ka daur/zamana

*

Read All Poetry By Faiz Ahmad Faiz