Ilahi Muqaddar Ke MaroN ki Sun

<< Sayyid Randeri >>

*******

Ilahi muqaddar ke maron ki sun
Tu fariyad ham besaharon ki sun

*

Gham-e-zindagi se pareshan hein
Khata-kaar aakhir to insaan hein

*

Liye dar pe aaye pashemaniya’n
Tu ab darguzar karde nadaniya’n

*

Asir-e-tamanna ko aazaad kar
Dil-e-gamzada ko tuhi shaad kar

*

Zamana bada hi daga baaz hai
Gunaahon pe insan ko naaz hai

*

Chirag-e-muhabbat dilon me jala
Tu amn-o-amaN ki hawayen chala

*

N fitne-fasaadaat ki baat ho
N apne mafaadaat ki baat ho

*

N sarhad, n bandhan, n khuN reziyaN
N dehshat, n weshat ki sar-garmiyaN

*

N chaaqu, n khanjar, n talwaar ho
JahaN mein tere pyaar hi pyaar ho

*

Pareshaniyan sab ki aasan kar
Haqiqat me insa’n ko insan kar

***

( Click here for more kalam-e-Sayyid Randeri )