Daagh Dehelvi Urdu Shayari

♥

Jahan tere jalwe se ma’amoor nikla
Padi aankh jis koh par toor nikla

♥
Wujood-o-adam donoN ghar paas nikle
N ye door nikla n woh door nikla

♥
Kahan reh ke taubah nibaahuN ilahi
Ke jannat mein bhi majma-e-hoor nikla

♥
Shab-e-wasl zikar-e-adoo par wo bole
Khuda ke liye kyun ye mazkoor nikla

♥
Samajh te the ham “daagh” gumnaam hoga
Magar woh to aalam mein mash’hoor nikla

♥

(( Click here for more kalam-e-Daagh Dehelvi ))