<< Ahmed Nadeem Qasmi>>
*******
Kis ko qaatil main kahuN kis ko masihaa samajhuN
Sab yahaaN dost hi baiThe hain kise kyaa samajhuN
*
Wo bhi kyaa din the ke har wah’m yaqiN hotaa thaa
Ab haqiqat nazar aaye to use kyaa samajhuN
*
Dil jo TooTaa to kaiN haath du’aa ko uThThe
Aise maahaul mein ab kis ko paraayaa samajhuN
*
Zulm ye hai ke hai yaktaa teri begaanaaravi
Lutf ye hai ke main ab tak tujhe apnaa samajhuN
***
(Click here for more kalam-e-Ahmed Nadeem Qasmi)
Leave a Reply