<< Funny Shayri >>
*
Mein shikaar hun kisi aur ka mujhe mangta koi aur hai
Mujhe jis ne bakri bana diya, wo to bhediya koi aur hai
*
KaiN sardiyaN bhi guzar gai, magar us ke kaam n aasaka
Mein lihaaf hun kisi aur ka mujhe odhta koi aur hai
*
Mere ro’ab* mien to wo aagaya, mere samne to wo jhuk gaya
Mujhe laat kha ke huii khabar, mujhe peet’ta koi aur hai
ro’ab = daab/dhamki/dabdaba
*
Jo garajte ho wo baraste ho, kabhi aysa ham ne suna nahin
Yahan bhoonkta koi aur hai, yhan kaat’ta koi aur hai
*
Ajab aadmi hai ye “Qasmi” ise be qusuur hi janiye
Ye to dakiya hai janab-e-man, ise bhejta koi aur hai
*
Leave a Reply