Apni Chahat Bhi Kitni Nirali Rahi | Poetry By Bashir Badr

VN:F [1.9.22_1171]
Rating: 4.0/5 (13 votes cast)

Bashir Badr Urdu Poetry

AansuaoN se JahaN Paayemaali Rahi
Aisi Basti CharaghoN Se Khaali Rahi

DushmanoN Ki Tarah Usse Ladte Rahe
Apni Chahat Bhi Kitni Niraali Rahi

Jab Kabhi Bhi Tumharaa Khayaal Aa Gaya
Phir Kaii Roz Tak Be-Khayali Rahi

Lab Taraste Rahe Ek Hansii Ke Liye
Meri Kashti Musaafir Se Khaali Rahi

Chaand Taare Sabhi Hamsafar The Magar
Zindagi Raat Thi, Raat Kaali Rahi

Mere Seene Pe Khushbu Ne Sar Rakh Diya
Mere BahoN Mein PhooloN ki Daali Rahi

Mazeed: kalam e Bashir Badr

Divi WordPress Theme

Wo Jo Bechte The Dawaa-e-Dil | Ghazal / Urdu Poetry

VN:F [1.9.22_1171]
Rating: 4.1/5 (11 votes cast)

Urdu Shayari by Bahadur Shah Zafar

Kabhi ban sanwar ke jo aa gaye, to bahar-e-husn dikha gaye
Mere dil ko daagh laga gaye, ye naya shagufa khila gaye

Koi kya kisi ka lubhaye dil, koi kya kisi se lagaye dil
Wo jo bechte the dawaa-e-dil wo dukaan apni badhaa gaye

Mere paas aate the dam-b-dam, jo juda n hote the ek dam
Ye dikhaye chrkh* ne kya sitam, ke mujhi se aankh chura gaye

Chrkh = Aasman/waqt ka pahiya/naseeb

Yahi shauq tha hameN dam-b-dam, ke bahaar dekhenge ab ke ham
JyuN hi chhoote qaid-e-qafas se ham, to suna khiza ke din aa gaye

Return to Bikhre Moti

Divi WordPress Theme

ApnoN Se Huwa Ye Kuchh, BegaanoN Se Kya Hota

VN:F [1.9.22_1171]
Rating: 2.5/5 (2 votes cast)

#Daagh #Urdu #Shayari

Taubah hai haseenoN ko gar paas-e-wafaa hota
Kya jaaniye kya karte, kya jaaniye kya hota


Saaqi teri mehfil mein charchaa hi nahin may ka
Is se to ye behtar tha, kuchh zikar-e-khuda hota


Dil ne mujhe tadpaya, aankhoN ne kiya ruswaa
ApnoN se huwa ye kuch, begaanoN se to kya hota


GairoN ki shikayat par, furqat* ki hikaayat* par
Gar tum n khafaa hote, to kon khafaa hota

Furqat = Judaai | Hikayat = Kahani

Mehfil mein sunaya tha, afsaan-e-gham mein ne
ilzaam ye rakkhaa hai, khalwat* mein kaha hota

khalwat = tanhaai

Faryaad-o-fugaaN* se tum ay “daagh” bure thehre
Kuchh bhi n kiya hota, kuchh bhi n huwa hota

FugaaN = Rona/Chillana

Mazeed: kalam-e-Daagh Dehelvi

Divi WordPress Theme

Jang Ho Ya Ishq Ho Bharpoor Hona Chahiye

VN:F [1.9.22_1171]
Rating: 3.6/5 (10 votes cast)

Rahat Indoro : Urdu Shayari

Faisla jo kuchh bhi ho manzoor hona chahiye
Jang ho ya ishq ho, bharpoor hona chahiye

Bhoolna bhi hai zauri yaad rakhne ke liye
Paas rehna hai to thoda door hona chahiye

Apne haathon se banaya hai khuda ne aap ko
Aap ko thoda bahot maghroor hona chahiye

Kat gai hai umr saari jin ki patthar tod te
Ab koi haathon mein koh-e-noor hona chahiye

Mazeed: Rahat Indori

In Hindi [Read more…]

Divi WordPress Theme

Ye Diya Kaise Jalta Huwa Reh Gaya | By Waseem Barelvi

VN:F [1.9.22_1171]
Rating: 3.7/5 (18 votes cast)

Waseem Barelvi ki Shayari

Aate aate mera naam saa reh gaya
Us ke honton pe kuchh kanpta reh gaya


Wo mere samne hi gaya aur mein
Raste ki tarah dekhta reh gaya


Jhooth waale, kahin se kahin badh gaye
Aur mein tha ke sach bolta rehgaya


Aandhiyon ke irade to achchhe n the
Ye diya kaise jalta huwa reh gaya?


In Hindi

[Read more…]

Divi WordPress Theme