Urdu Ghazal Shayari – Aap Kyun Ban Ke Pursaan-e-Gham Aa Gaye

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.4/5 (8 votes cast)

Urdu Ghazal Shayari by Aamir Surati


Aap kyun ban ke pursaan-e-gham aa gaye
Aur bhi sakht uljhan mein ham aa gaye

Tum mere saath kya do qadam aa gaye
Zindagi ke maze baish-o-kam aa gaye

Badah-khaane ke rasm-o-riwaaj aur hain
Tum kahan naaseh-e-mohtaram aa gaye

Aage ab teri marzi pe hai munhasir
Tere dar tak to ay dost ham aa gaye

Rang laakar rahi meri barbadiyan
Un ko andaaz-e-lutf-o-karam aa gaye

Mera zauq-e-salamt-ravi dekh kar
Raah mein senkdoN pech-o-kham aa gaye

Ay junun-e-tajassus khidhar ab chalen
Rokne raah dair-o-haram aa gaye

Ho gai ek, raah-e-junun-o-khirad
Marhale zindagi ke aham aa gaye

Fart-e-ishrat se ma’adoom thi har khushi
Waqt par kaam ranj-o-alam aa gaye

Dekhi jab ghaur se wajh-e-zauq-e-wafa
Aap ke yaad jaur-o-sitam aa gaye

Be-naqaabi ki zidd ka ho “Aamir” bura
Ham bhi nazron ka kho kar bharam aa gaye

Mazeed : kalam-e-Aamir Surati

Share and Enjoy

Deewaane Kahan Jaate | Urdu Shayari By Qateel Shifai

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.6/5 (12 votes cast)

Qateel Shifai Ghazal/Shayari

Qateel Shifai


Tumhaari Anjuman Se Uth Ke Deewaane Kahan Jaate
Jo Waabasta Howe Tum Se Wo Afsaane Kahaan Jaate

Nikal Kar Dair-o-Kaaba Se Agar Milta N Maikhaana
To Thukraye Howe InsaaN Khuda Jaane Kahaan Jaate

Tumhaari Be-Rukhi Ne Laaj Rakh Li Baadah Khaane Ki
Tum Aankhon Se Pila Dete Tou Paimaane Kahaan Jaate

Chalo Achchha Huwa, Kaam Aagai Deewaangi Apni
Wagarna Ham Zamaane Bhar Ko Samjhane Kahaan Jaate

“Qateel” Apna Muqaddar Gham Se Begaana Agar Hota
To Apne Aur Paraae Hum Se Pehchaane Kahaan Jaate

Mazeed: kalam-e-Qateel Shifai

Share and Enjoy

Faiz Ahmad Faiz : Qareeb Un Ke Aane Ke Din Aa Rahe Hain

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.2/5 (16 votes cast)

Faiz Ahmad Faiz Poetry

Naseeb Aazmaane Ke Din Aa Rahe Hain
Qareeb Un Ke Aane Ke Din Aa Rahe Hain

Jo Dil Se Kaha Hai Jo Dil Se Suna Hai
Sab Un Ko Sunane Ke Din Aa Rahe Hain

Abhi Se Dil-O-Jaan Sar-E-Raah Rakh Do
Ke Lutne Lutaane Ke Din Aa Rahe Hain

Tapakne Lagi Un Nigaahon Se Masti
Nigahain Churaane Ke Din Aa Rahe Hain

Saba Phir Hamain Puuchti Phir Rahi Hai
Chaman Ko Sajaane Ke Din Aa Rahe Hain

By Faiz Ahmad Faiz

Read All Poetry By Faiz Ahmad Faiz

Share and Enjoy

Mere Dushman ka Koi Waar n Khaali Jaaye | Ahmad Faraz Poetry

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.3/5 (16 votes cast)

Ahmad Faraz Poetry

Wo muruwwat se mila hai to jhukadun gardan
Mere dushman ka koi waar n khaali jaaye

Rafta rafta ye hi zindaaN mein badal jaate hein
Ab kisi shehr ki buniyad n daali jaaye

ZindaaN = QaidKhana / Prison / jail

Mazeed : kalam-e-Ahmad Faraz

Share and Enjoy

Urdu Ghazal – Faqat Meri Zuban Hai Aur Mein Hun

We are always willing to add more and more poetry of her, so keep coming back for new poetry.
VN:F [1.9.22_1171]
Rating: 3.0/5 (7 votes cast)

Urdu Ghazal : Josh Malihabadi

Kahan hai ham-zabaN ALLAH jane
Faqat meri zabaN hai aur main hun

Khamoshi hai zameeN se aasmaN tak
Kisi ki daastaN hai aur main hun

JahaN ek jurm hai yad-e-baharaN
Wo laafani khizaN hai aur main hun

Tarasti hain kharidaroN ko aankheN
Jawahir ki dukaN hai aur main hun 

Mazeed: kalam-e-Josh Malihabadi

#Urdu Ghazal, #Urdu Shayari, #Shayri,

Share and Enjoy