Urdu Sad Poetry,, By Saghar Siddiqui
*
Poochha kisi ne haal kisi ka to ro diye
pani mein aks chand ka dekha to ro diye
*
Naghma kisi ne saaz pe chherha to ro diye
Guncha kisi ne shaakh se torha ro ro diye
*
Udhta huwa ghubar sar-e-raah dekh kar
Anjaam ham ne ishq ka socha to ro diye
*
Badal fiza mein aap ki tasweer ban gaye
Saya koi khayaal se guzra to ro diye
*
Rang-e-shafaq se aag shagufon mein lag gai
“Saghar” hamare haath se chhalka to ro diye
*
( Click here for more kalam-e-Saghar Siddiqui )
bahut hi sachai hai…..wonderful…
kaya khoob kaha hai
woundrful
Bohat khooob
Wah wah subhan allah bahot khob
Subhan allah….