Khatm hotaa hai jahaaN roshan Sitaron Ka Safar

Sitaron Ka Safar

Sitaron Ka Safar : A. Hafiz “Saahil Qadri” UK

♥

Khatm hotaa hai jahaaN roshan sitaaroN kaa safar
tab shroo hota hai sooraj ke ujaaloN ka safar

ghantiyaaN bajtee haiN khatre kee jahaane zulm meiN
aah kartee hai kabhi jab aasmaanoN ka safar

manzileN milke bhi inki justujoo hai barqaraar
khatm hotaa hee naheeN hai ishq waaloN ka safar

aasmaanoN tak bhi pohnchaa, aage kya ho dekhye
jaa ke ruktaa hai kahaaN mere khayaaloN ka safar

ayk saahil par pohonch kar doosre SAAHIL chale
chalta rehtaa hai yunhee bas naakhudaaoN ka safar

♥

Mazeed:  Kalaam e Saahil  |  FB Page