Guzre dinon ki yaad : Urdu shayari by Qateel Shifai

*

Guzre dinon ki yaad barasti ghata lage
Guzrun jo us gali se to thandi hawa lage

*

Mehman ban ke aaye kisi roz gar wo shakhs
Us roz bin sajaye mera ghar sajaa lage

*

Mein is liye mnaata nahin vasl* ki khushi
Mere raqeeb* ki n mujhe badduaa lage

vasl = milan | raqeeb = hareef,muqabil

*

Wo qahat* dosti ka pada hai ke in dinoN
Jo muskura ke baat kare, aashna* lage

Qahat = Akaal/famine | Aashna = Parichit/Familiar

*

Tark-e-wafaa* ke baad ye us ki adaa “Qateel”
Mujh ko sataaye koi to us ko bura lage

Tark e wafaa = be-wafaai / wafa se door hona

*

(( Qateel/Q’teel = Maqtool / Dead / victim ))

( Click here for more kalam-e-Qateel Shifai )