Us Ke HaatoN Se Jo Khushbu e Hinaa Aati Hai

<< Wasi Shah Poetry >>

*

Us Ke HaatoN Se Jo Khushbu e Hina Aati Hai

Aysa Lagta Hai Ke Jannat Se Hawaa Aati Hai

*

Choomne daar* ko kis dhaj se chala hai koi
Aaj kis naaz se maqtal main qaza* aati hai

*

N kabhi koi kare tujh se tere jesa sulook
Hath uthtay hi yehi lab pe dua aati hai

*

Tere gham ko yeh bar-hana* nahi rehne deti
Meri ankhon pe jo ashkon ki rida aati hai

*

Us ke chehray ki tamazat bhi hai shaamil is main
Aaj tapti huyi saawan ki ghata aati hai

*

Ghoomne jab bhi tere shehar main jati hai wafa
Bain karti huyi wapas woh sada aati hai

*

Hai wahi baat har ek lab pe bohot aam yahan
Hum se jo kehte huye un ko haya aati hai

*

Shair : Syed Wasi Shah