Yaad-e-Kaifi Azmi | JAVED AKHTAR Urdu Shayri (Video)

<< Javed Akhtar >>

-: Janab Javed Akhtar ki Khoobsurat Nazm :-

Nigal gaye sab ke sab samandar – ZameeN bachi ab kahin nahin hai

Bachate ham apni jaan jismen – Wo kashti bhi ab kahin nahin hai

Wo aag barsi hai dopeher mein – Ke saare manzar jhulas gaye hain

Subah savere jo taazgi thi – Wo taazgi ab kahin nahin hai

Tum apne qasboN mein jaa ke dekho – Wahan bhi ab sheher hi base hain

Ke dhoonte ho jo zindagi tum – Wo zindagi ab kahin nahin hai

Bohot dinoN baad paai fursat – To mein ne khud ko palat ke dekha

Magar mein pehchhanta tha jis ko – Wo aadmi ab kahin nahin hai

Guzar gaya waqt dil pe likh kar – N jaane kaisi ajeeb baateN

Waraq palat’ta hun mein jo dil ke – To saadgi ab kahin nahin hai

Nigar gaye sab ke sab samandar – ZameeN bachhi ab kahin nahin hai

Please leave a like rating and share it with your friends if you enjoyed it  😀

<< Facebook Page | Google Page >>