(Qateel Shifai)
***
Yeh mojaza* bhi muhabbat kabhi dikhaye mujhe
Ke sang* tujh pe gire aur zakham aaye mujhe
(Mojaza = miracle / chamatkaar | Sang = patthar)
*
Main ghar se teri tamanna pehan ke jub niklun
Bar’hna shehr main koii nazar n aaye mujhe
(Bar’hna = nirwastra / bina kapdon ke )
*
Wo mera dost hai saray jahaN ko hai maloom
Dagha karay wo kisi se to sharm aaye mujhe
*
Wo mehrbaaN hai to iqraar kyu nahi kertaa
Wo bdgumaN hai to so baar aazmaye mujhe
*
Main apni zaat main neelaam ho raha hun “qateel”
Gham-e-hayaat se keh do, khareed laye mujhe
***
( Click here for more kalam-e-Qateel Shifai )
Leave a Reply