Ahmad Faraz Ki Shayari : Wo Jo Aa Jaate The Ankhon Me Sitare Lekar

Ahmad Faraz ki Shayari

Ahmad Faraz ki Shayari

♥

Wo jo aa jaate the ankhon me sitare lekar
Jane kis des gaye khwab hamare lekar

Chhauw me bethne wale hi to sab se pehle
Ped girta hai to aa jaate hain aare lekar

Wo jo aasuda e sahil hai unhen kya malum
Ab ke mauj aegi to paltegi kinare lekar

Aysa lagta hai ke har musam e hijraN me bahar
Hont rakh deti hai shakhoN pe tumhare lekar

Shaher waloN ko kahaN yaad hai wo khwab farosh
Phirta rehta tha jo galiyoN me gubare lekar

Naqd e jaaN sarf huwa kulfat e hasti me “Faraz”
Ab jo zindah hain to kuchh sans udhare lekar

♥

Mazeed : Kalaam e Ahmad Faraz