<<Josh Malihabadi >>
*******
AshkoN ko chen hi nahin, aafat kiye baghair
Tum, aur maan jaao shararat kiye baghair?
*
Ahl-e-nazar ko koi dikhaaye rah-e-wafaa
Aye kaash.! zikr-e-dozaKh-o-jannat kiye baghair
*
Ab dekh uska haal, ki aataa na thaa qaraar
Khud tere dil ko jis pe inaayat kiye baghair
*
Aye hamnashiN muhaal hai naaseh kaa Taalnaa
Ye.. aur yahaaN se jaaeN nasihat kiye baghair?
*
Tum kitne tund-khuu ho, ki pahluu se aaj tak
Ek baar bhi uthe na, qayaamat kiye baghair
***
( Click here for more kalam-e-Josh Malihabadi )
*
If you like this Please Share!!
A very good collection of Josh Malihabadi. A lot more need to be added.
sir – is mehfile sayriyo ki hindi lipi ya shabdo me load kare to padne (reading) me or jayada luft aayega?
I AM Requested!
Sajjad sahab tashreef aawri ka shukriya.. aur achhi tajweez hai, laiq-e-amal hai, tamam ash’ar to nahin magar jahan tak mumkin hoga aap ki tajweez par amal karne ki koshish rahegi. inshaAllah.!