Aye Muhabbat Tere Anjaam Pe Rona Aaya

(( Kalam-e-Shakeel Badayuni ))

*****

Aye Muhabbat Tere Anjaam Pe Rona Aaya
Jaane Kyon Aaj Tere Naam Pe Rona Aaya

*

Yun Toh Har Shaam Ummidon Mein Guzar Jaati Hai
Aaj Kuchh Baat Hai Jo Shaam Pe Rona Aaya

*

Kabhi Taqdeer Ka Matam Kabhi Duniya Ka Gila
Manzil-e-Ishq Mein Har Gaam Pe Rona Aaya

*

Jab Hua Zikr Zamane Mein Muhabbat Ka ‘Shakeel’
Mujh Ko Apane Dil-e-Nakaam Pe Rona Aaya

***

(click here for more kalam-e-shakeel badayuni)