Best Poetry : Ek Zara Ghaflat Hui by Sayyid

Best Poetry FB Page

Best Poetry by Sayyid Randeri

♥
Ek zara ghaflat hui aur peeth mein khanjar laga
Aaj ham ko doston ki dosti se dar laga
♥
Aap ke nazuk laboN se aag barsi thi kabhi
Ham ko har ek lafz aakar teer saa dil par laga
♥
Kis liye jeete hain, kis ki aas par jeete hain ham
Har nazar ye poochhti ho, ham ko yun aksar laga
♥
AarzoouN ka ise ek maqbara samjhe the ham
Aap aaye to hamara ghar bhi aakhir ghar laga
♥
Muddaton ke baad “Sayyid” aankh se tapka hai gham
Ab zaraa rahat hui hai, ab zaraa behtar laga
♥

Mazeed: Kalam-e-Sayyid Randeri  |  Hindi Shayari