Bewafaa Tere Rooth Jaane Se | Full Ghazal

Bikhre Moti

<<->>

Bewafa tere rooth jaane se
Aankh milti nahin zamane se

*

Aarizaa* ho gaya hai rone ka
Chand ghadiyon ke muskurane se

*Aarizaa = Marz, Bimari

*

Kitne toofaaN uthenge saahil par
Eyk kashtii ke Doob jaane se

*

Dhoondh aaya tujhe zamaane me
Tum kahaan gum ho ek zamaane se

*

Ab to duniya se ja raha hoon main
Laut aao isii bahaane se

*

Kis qadar badh gai hai lazzat-e-Gham
Shiddat-e-Gham mein muskuraane se

*Lazzat = Maza | *Shiddat = Sakhti/Zayadti

*

Daar* hi ko gale lagaao “Shameem”
Maut behtar hai sar jhukaane se

*Daar = Phansi, Sooli

*

Poet: Shameem Jaipuri

*

Return to Bikhre Moti