Ahmed Nadeem Qasmi

<< Ahmed Nadeem Qasmi>>

*******

Jab Tera Hukm Mila Tark Muhabbat Kar Di
Dil Magar Is Pe Wo Dharka K Qayamat Kar Di

*
Tujh Se Kis Tarah Main Izhar-E-Tamanna Karta
Lafz Soojha To M’aani Ne Bagavat Kar Di

*
Main To Samjha Tha Ke Laut aate Hain Jane Wale
Tune Jaakar To Judaai Meri Qismat Kar Di

*
Mujh Ko Dushman Ke Iradon Pe Bhi Pyar Aata Hai
Teri Ulfat Ne Muhabbat Meri Aadat Kar Di

*
Poch Baitha Hoon Main Tujh Se Tere Kuche Ka Pata
Teri Haalat Ne ye Kaysi Teri Surat Kar Di

***

( Click here for more kalam-e-Ahmed Nadeem Qasmi )

<< Ahmed Nadeem Qasmi>>

*******

Gul Tera Rang Chura Laye Hain Gulzaro Mein
Jal Raha Hun Bhari Barasat Ki Bauchharo Mein

*
Mujh Se Katraa Ke Nikal Jaa Magar Ay Jan-E-Haya
Dil Ki Lau Dekh Raha Hoon Tere Rukhsaron Mein

*
Husn-E-Begana-E-Ehasas-E-Jamal Acha Hai
Gunchy Khilte Hain To Bik Jate Hain Bazaron Mein

*
Zikr Karty Hain Tera Mujh Se Ba-unvaan-E-Jafa
Chara-gar Phool Piro Laye Hain Talwaron Mein

*
Mujh Ko Nafrat Se Nahin Pyar Se Maslob Karo
Main To Shamil Hun Mohabbat Ke Gunahgaron Mein

***

(Click here for more kalam-e-Ahmed Nadeem Qasmi)

<< Ahmed Nadeem Qasmi>>

*******

Andaaz hu-b-huu teri aawaaz-e-paa ka thaa
Dekhaa nikal ke ghar se to jhouNka hawaa ka thaa

*

Is husn-e-ittefaaq pe luT kar bhi shaad huN
Teri razaa jo thi, wo taqaazaa wafaa ka thaa

*

Dil raakh ho chukaa to chamak aur badh gai
Ye teri yaad thi ke amal kimiyaa ka thaa

*

Is rishta-e-lateef ke asraar kyaa khuleN
Tu saamne thaa aur tasawwur Khudaa ka thaa

*

Chhup chhup ke rouN aur sar-e-anjuman haNsuN
Mujh ko ye mashwara mere dard-aashnaa ka thaa

*

Utthaa ajab tazaad se insaan kaa Khameer
Aadi fanaa kaa thaa to puNjaari baqaa ka thaa

*

TooTaa to kitne aaina-KhaanoN pe zad paRi
ATkaa huaa gale mein jo paththar sadaa ka thaa

*

Hairaan huN ke daar se kaise bachaa “Nadeem”
Wo shakhs to Gharib-o-Ghayyoor intihaa ka thaa

***

(Click here for more kalam-e-Ahmed Nadeem Qasmi)

<< Ahmed Nadeem Qasmi>>

*******

Mujhse kaafir ko tere ishq ne yuN sharmayaa
Dil tujhe dekh ke dhaRkaa to Khudaa yaad aaya

(kaafir : Nastik, non-believer)

*

Chaaraagar aaj sitaaroN ki qasam Khaa ke bata
Kisne insaaN ko tabassum ke liye tarsaaya

(Tabassum : Muskurahat, smile)

*

Nazr kartaa rahaa maiN phool ke jazbaat use
Jisne patthar ke khilonoN se mujhko bahlaaya

*

Us ke andar koi fankaar chhupa baitha hai
Jaante-buujhte jis shaks ne dhokaa Khaaya

***

(Click here for more kalam-e-Ahmed Nadeem Qasmi)