Meri jaaN ban kar wo ik din meri jaaN le jaega
*
Be-khabar tha ek nazar me do jahaN le jaega
Meri jaaN ban kar wo ik din meri jaaN le jaega
*
Aakhri hichki se pahle chaaragar se poochh loon
Jo nazar aata nahi rishta, kahaN le jaega
*
Maikada, daer-o-haram, yaa koyi diwanoN ki bazm
Tujhse yeh bichhada hua lamha kahaN le jaega
*
Wo jo pichhle saal sab kheton ko sona de gaya
Ab ke wo toofan kis kis ka makaaN le jaega
*
Wo chala jaega mujhse karke iqraar-e-wafa
Tod jaega safina baadbaaN le jaega
*
Ishq mein isne to jalana hi nahi seekha Kabhi
Aag de jaega mujh ko khud dhuaN le jaega
*
Mazeed : Kalam e Qamar Jalalabadi
