Chehre Pe Mere Zulf Ko Phailaao Kisi Din | “Amjad”

We would be extremely happy if you would tell others by pressing the share button below.

_________________

<< Amjad Islam “Amjad” >>

*******

Chehre pe mere zulf ko phailaao kisi din
Kyaa roz garajte ho, baras jaao kisi din

*
RaazoN ki tarah utro mere dil mein kisi shab
Dastak pe mere haath ki khul jaao kisi din

*
PeroN ki tarah husn ki baarish mein nahaa luN
Baadal ki tarah jhuum ke ghir aao kisi din

*
Khushbuu ki tarah guzro mere dil ki gali se
PhooloN ki tarah mujh pe bikhar jaao kisi din

*
Phir haath ko Khairaat mile band-e-qabaa ki
Phir lutf-e-shab-e-vasl ko doharaao kisi din

Band e Qabaa = Nightgown ke upar bandhi hui dori / kamarband | Lutf = maza | shab e wasl = milan ki raat

*
GuzreN jo mere ghar se to ruk jaayeN sitaare
Is tar’ha meri raat ko chamakaao kisi din

*
Main apni har ik saaNs usi raat ko de duN
Sar rakh ke mere siine pe so jaao kisi din

***

(( Click Here for More  Kalaam e Amjad Islam Amjad ))