Urdu Shayari
Urdu Shayari | Ghazal
♥
Nazar ke farsh sari zindagi yun hi bichhe rakkho
Koi aae n aae dil ke darwaze khule rakkho
HazaroN kos ke jismoN me chahe fasle rakkho
Magar ik bat meri yaad rakkho dil mile rakkho
Jafa par aah karna kufr hai deen e muhabbat mein
Khuda-ra zabt ke resham se apne lab sile rakkho
Hatheli par liye dil kal bhi nikle log mumkin hai
Sitam ke teer kal ke waste do ek pade rakkho
Nayi nasloN ke logoN se ye kehdo rahe manzil me
Lage hain jo purane waqt ke patthar lage rakkho
Hansee aati hai to zakhmoN ke taaNke toot jaate hain
Hamare is bars zakhmoN ke taaNke kam kase rakkho
“Aleem” us ke talawwun ko tum us ki ik adaa samjho
Kahan tak us ke kadwe bol tum dil par likhy rakkho
♥
By Dr. Aleem Usmani
Mazeed : Bikhre Moti
Leave a Reply