Dilbar nahin milte by saahil
Dilbar Nahin Milte : Shayari / Ghazal
♥
KyuN aaj hameN pehle se dilbar naheeN milte
Wa’day bhi jo karte haiN wo aksar naheeN milte
Wese to nazar aate haiN shaakhoN pe hazaaroN
Paighaam jo le jaayeN kabootar naheeN milte
Akhlaaq to achhe haiN mre yaaroN ke lekin
Baahir jo nazar aate haiN andar naheeN milte
Fitrat maiN naheeN phir bhi wo gul phenk rahaa hai
Shaayad ke use baagh maiN pathhar naheeN milte
Is dawr ke shehroN se gilaa itna hai Saahil!
Milte haiN makaaN khoob yahaaN ghar naheeN milte
♥
Mazeed: Kalaam e Saahil | FB Page
Leave a Reply