We would be extremely happy if you would tell others by pressing the share button below.
Bikhre Moti
* * * * *
Hasrat hai tumhari deed kareN
Tum aao to ham bhi EID kareN
*****
EID ke chand ko dekhe n koi mere siwa
Is ke deedar ko ek saal guzaara mien ne
*****
Udhar se chand tum dekho idhar se chand ham dekheN
NigaheN ayse takraye, diloN ki EID ho jaaye
*****
Ham ne tumheN dekha nahin kiya Eid Manayen
Jis ne tumheN dekha hai use EID mubarak
*****
Teri deed jis ko naseeb ho, wo naseeb qaabil-e-deed hai
Tujhe sochna meri chand raat, tujhe dekhna meri EID hai
*****
Tujhe meri n mujhe teri khabar jaye gi
EID ab ke dabey paaon guzar jaye gi
*****
Itne majboor huwe EID pe taqdeer se ham
Ro pade mil ke gale aap ki tasweer se ham
*****
Leave a Reply