Fariyad Azer
Ghazal by Fariyad Azer
♥
Wus’at e sehra ke aage aasmaN chhota laga
Dhoop aysi thi ke sar ko sayebaN chhota laga
Log khushfehmi ke panjoN par khade the fitratan
Aur youn qad mera un ke darmiyaN chhota laga
Yaas, mahrumi, muhabbat, kibr, khush fehmi, anaa
Itne samaN the mera tanhaa makaaN chhota laga
Jee raha hai wada e farda pe tere ay khuda
Warna is bande ko tera ye jahaN chhota laga
Door se qatra bhi ek darya nazar aaya mujhe
Qurbaton ki zad mein behr-e-beqaraN chhota laga
♥
Mazeed : Bikhre Moti
Leave a Reply