ghazal
Ghazal Urdu Shayari
By Saahil Qadri
♥
amaanat meN ek mu’tabar bhejtaa hooN
sambhaalo meN khat meN jigar bhejta hooN
ma’aani heN is meN baqadre-iraada
meN tehreer go mukhtasar bhejta hooN
ta’ajjub hai laot aati hai meri jaanib
sare baam jab meN nazar bhejta hooN
qubool apni rehmat se karle Ilaahi
du’aayeN meN shaamo sahar bhejta hooN
mujhe ahde haazir ka mansoor samjho
sar-e daar meN apna sar bhejta hooN
hooN garche meN awaara-e raah-e manzil
magar rehzanoN ki khabar hejta hooN
♥
Mazeed: Saahil Qadri
Leave a Reply