Ghazal
Ghazal by Saahil Qadri
♥
karbe furqat rooh Se jaataa naheeN
hal koyee gham ka nazar aataa naheeN
kaash hota ilm ye insaan ko
jo guzar jaataa hai pal, aataa naheeN
mit gayaa shikwe se lutfe intizaar
ab hameN wo raah dikhlaataa naheeN
hum wafaayeN karke bhee haiN sharmsaar
wo jafaayeN karke sharmaataa naheeN
dard wo in’aam hai “Saahil” ke jo
har kisi insaaN ko raas aataa naheeN
♥
Mazeed: Saahil Qadri
Leave a Reply