Ghazal
Ghazal : Urdu Shayari by Zakiya Ghazal
♥
Munsifo saleeboN par faisle nahin hote
Besabab baghawat ke sanihe nahin hote
Soch kar juda hona, phir ke mil n paaenge
Kyun ke is zamane mein mojize nahin hote
Jo bhi the gile shikwe, door kar ke jaana tha
Kam se kam bichadne par dil bure nahin hote
Dard boegaa sawan phir se kachche aangan mein
Kaash pehli barish mein ham mile nahin hote
Chand se kaha ham ne tum hi raat bhar jaago
Ham se us ki yaadon mein ratjage nahin hote
By : Zakiya ghazal
♥
Mazeed : Bikhre Moti
Leave a Reply