Ghazal : Tujh Ko Pane Me Kho Chuka Hun Mein | Dr Kaleem Qaiser

ghazal

Ghazal by Dr Kaleem Qaiser

♥

Khud se bhi haath dho chuka hun mein
Tujh ko pane me kho chuka hun main

Meri aankhon me jaagta hai wo
Us ki ankhon me so chuka hun main

Tere bare me kis tarah sochoon
Ab to ye haq bhi kho chuka hun main

Ab mujhe wapsi ki fikr nahin
Apni kashti dubo chuka hun main

Ab wo tanqeed mujh pe karta hai
Muddaton jis ko dho chuka hun main

Ab to apna nahin raha mein bhi
Jaane kis kis ka ho chuka hun main

by : Dr Kaleem Qaiser

♥

Mazeed : Bikhre Moti  |  FB Page