Hai Dushwaar RaaheN Magar Chal Rahe Hein

<< Sayyid Randeri >>

*******

Hai dushwaar raaheN magar, chal rahe hein
Akele binaa hamsafar chal rahe hein

*

TamannaeN dar dar liye phir rahi hai
Khabar khud nahin ham kidhar chal rahe hein

*

Koi hoslaa ishq waaloN ka dekhe
Nahin kuchh bhi zaad-e-safar, chal rahe hein

*

Akelaa nahi hun mein raah-e-wafaa mein
Mere saath sho’ale sharar chal rahe hein

*

N puchho ke keise basar ho rahi hai
Chalaata he maula bashar chal rahe hein

*

N paane ki khwaahish n khone ka gham hai
Tere ho ke ham be-khatar chal rahe hein

*

Nibhaya he “sayyid” ne dastuur-e-ulfat
Udhar ki hawa hai, idhar chal rahe hein

***

Click here for more kalam-e-Sayyid Randeri)