<< Sayyid Randeri >>
*******
He tarz-e-baya’n kuch or meraa
Bas aaya samjho daur meraa
*
Go chalti rahi naaseh ki zubaN
Inkaar rahaa purzor meraa
*
Sambhaal sako to le jaao
Ye dil he bohot kamzor meraa
*
Kab dil ye kisi ka hojaae
Kuch is pe nahi he zor meraa
*
Ye teri nazar hi mujrim he
Koi or nahin chit-chor meraa
*
“Sayyid” ko mile aaram kahan
Jab dil hi machaae shor meraa
*****
(Click here for more kalam-e-Sayyid Randeri)
Leave a Reply