Sayyid Randeri | Ham To Qaatil Ko Bhi Jeene Ki Duaa Dete Hain

Sayyid Randeri ki Shayari

♥♥♥

Ham to qaatil ko bhi jeene ki duaa dete hain
Zindagi kya hai, ye khud mar ke sikhaa dete hain

♥

Khud ko yun jurm-e-muhabbat ki sazaa dete hain
Dil ke armaan ko aankhoN se bahaa dete hain

♥

Tum se kaati n gayi raat bhi tanhaai ki
Ishq waale to yahan sar bhi kataa dete hain

♥
Ham ne khaamosh bana rakkhi hai dil ki duniyaN
Koi aawaaz ubharti hai, dabaa dete hain

♥

Apne jazbaat pe qaabuu nahin rakhne waale
Sar muhabbat ka sar-e-aam jhukaa dete hain

♥

Ham diwane nahin darte hain khiradmandon* se
Aaina waaiz-e-naadaaN ko dikha dete hain

Khiradmand = Aqalmand/समझदार

♥

Apne dukh-dard ko seene se lagale “Sayyid”
Ye to insaan ko insaan banaa dete hain

♥♥♥

Video : Sayyid Randeri ki shayari urdu hindi script mein

Mazeed : kalam-e-Sayyid Randeri