Hasratein Sookh Gayi Dil Mein Babulo’n Ki Tarah

Bikhre Moti

*

Daaman-e-shauq mein masle hue pholo’n ki tarah
Zindagi hai kisi muflis* ke usoolo’n ki tarah

muflis : gareeb

*

Aaj bhi dhoop ke jungle mein hamaare saaye
Naachte phirte hain be-fikr bagulon ki tarah

*

Wahi firaun*, wahi tannur ke maqtal*, wahi daar*
Hum bhi is daur mein jeete hain rasulo’n* ki tarah

Firaun : The cruel Pharaoh at the time of Moses | maqtal : slaughter-house, qatal khana
daar : gallows, suli, pansi ka takhta | daur : zamana, era | rasool : prophet, pegambar, avatar

*

Koi mausam hi na badla ke kisi se kahte
Hasratein sookh gayi dil mein babulo’n ki tarah

*

Haadse hum pe jo guzre the kabhi ai “Aazar”
Yaad aate hain magar sirf maqulo’n ki tarah

maqulo’n : proverbs / kahavat

*

By Kafeel Aazar