Jab Se Tune Mujhe Divana Banaa Rakkha Hai

Bikhre Moti

* * * * *

Jab se tu ne mujhe divana banaa rakkha hai
Sang har shakhs ne hathon main uthaa rakkha hai

(Sang = Patthar)

*

Us ke dil par bhi kadi ishq main guzari hogi
Naam jis ne bhi muhabbat ka sazaa rakkha hai

*

Patharon aaj mere sar pe baraste kyuN ho
Mein ne tum ko bhi kabhi apna khuda rakha hai

*

Ab mere deed ki duniya bhi tamashai hai
Tu ne kya mujhko muhabbat main bana rakhaa hai

(Deed = Deedar, Darshan)

*

Pee ja ayyam kee talkhee ko bhi hans kar “Nasir”
Gham ko sehnae main bhi kudrat ne mazaa rakhaa hai

*

(Shaair : Hakim Nasir)

***

Kalam-e-Sayyid   |   Kalam-e-Saahil   |   Kalam-e-Aamir