Jab Tera Hukm Mila Tark Muhabbat Kar Di

<< Ahmed Nadeem Qasmi>>

*******

Jab Tera Hukm Mila Tark Muhabbat Kar Di
Dil Magar Is Pe Wo Dharka K Qayamat Kar Di

*
Tujh Se Kis Tarah Main Izhar-E-Tamanna Karta
Lafz Soojha To M’aani Ne Bagavat Kar Di

*
Main To Samjha Tha Ke Laut aate Hain Jane Wale
Tune Jaakar To Judaai Meri Qismat Kar Di

*
Mujh Ko Dushman Ke Iradon Pe Bhi Pyar Aata Hai
Teri Ulfat Ne Muhabbat Meri Aadat Kar Di

*
Poch Baitha Hoon Main Tujh Se Tere Kuche Ka Pata
Teri Haalat Ne ye Kaysi Teri Surat Kar Di

***

( Click here for more kalam-e-Ahmed Nadeem Qasmi )