Jeene Waale Qazaa Se Darate Hain

(( Kalam-e-Shakeel Badayuni ))

*****

Jeene waale qazaa se darate hain
Zehar peekar dawaa se darate hain

[qazaa=death; zehar=poison]

*

ZaahidoN ko kisi kaa Khauf nahin
Sirf kaali ghataa se darate hain

[Zaahid=knowledgeable/religious person

*

Aah jo kuchh kahe hameN manzuur
Nek bande Khudaa se darate hain

*

DushmanoN ke sitam kaa Khuaf nahin
DostoN ki wafaa se darate hain

*

Azm-o-himmat ke baawajuud “Shakeel”
Ishq ki ibtidaa se darate hain

[Azm=Decision | Ibtidaa=Beginning/Start]

*

(click here for more kalam-e-shakeel badayuni)