Jigar Ka Dard Upar Se KahaaN Maloom Hota Hai

<< Sayyid Randeri >>

*******

Haqeeqat he magar phir bhi gumaaN maloom hota hai
Jigar ka dard upar se kahaaN maloom hota hai

*

Tabassum se khshi ka razdaaN maloom hota hai
Bhare dil aah to dard-e-nihaaN maloom hota hai

*

Achanak dil se kyuN uthta dhuaaN maloom hota hai
YahaN dard-e-muhabbat ka nishaaN maloom hota hai

*

He charo’n simt sannata nagar mein maut ka aysaa
B-zaahir har taraf aman-o-amaaN maloom hota hai

*

Ujaala aag ka ashkoN ke moti khoon ke daryaa
Mera pyara watan jannat nishaaN maloom hota hai

*

Khushi se jaan yuN nikli uthaa hi rehgaya khnjar
Mera qaatil, mera mahboob-e-jaaN maloom hota hai

*

Suna deta he sab kuchh ek ishaare mein nigaahoN ke
B-zaahir ishq marhroom-e-zubaaN maloom hota hai

*

Ye naakaami ye waawele ye faryaadeN teri “sayyid”
Khuda ki maar.!! ye ishq-e-butaaN maloom hota hai

***

(( Click here for more kalam-e-Sayyid Randeri ))