Qateel Shifai: Urdu Ghazal/Shayari

♥

Pyaas wo dil ki bujhane kabhi aaya bhi nahin
Kaisa badal hai ke jis ka koi saaya bhi nahin

♥

Be rukhi isse badi aur bhala kya ho gi?
Aik muddat se hamein us ne sataya bhi nahin

♥

Roz aata hai dar-e-dil pe wo dastak dene
Aaj tak ham ne jise paas bulaya bhi nahin

♥

Sun liya kaise khuda jaane zamane bhar ne
Wo fasana jo kabhi ham ne sunaya bhi nahin

♥

Tum to shair ho “Qateel” aur wo ek aam sa shakhs
Us ne chaha bhi tujhe aur jatayaa bhi nahin

♥

Mazeed: kalam-e-Qateel Shifai