We would be extremely happy if you would tell others by pressing the share button below.
Bikhre Moti
* * * * *
Khuli jo aankh to wo thaa na wo zamaana thaa
Dahekti aag thi tnahaai thi fasaana tha
*
GamoN ne baaT liyaa hai mujhe yun aapas mein
Ke jaise main koi lootaa huaa khazaana thaa
*
Ye kyaa ke chand hi qadamon pe thak ke baith gaye
Tumhen to saath meraa duur tak nibhaana thaa
*
Mujhe jo mere lahuu meN dubo ke guzaraa hai
Wo koi gair nahin, yaar ek puraana thaa
*
Khud apane haath se “Shehzaad” us ko kaat diyaa
ke jis darakht ke tehni pe aashiyaana thaa
*
Shair : Farhat Shehzaad
***
Leave a Reply