Ki Nigah e Karam Jab Kisi Ne | Urdu Ghazal Image

Aamir Surati

* * * * *

Ki nigah e karam jab kisi ne
Saath chhora wahin zindagi ne

*

Lab pe naam e wafa dil mein keene
Hai muhabbat paseene paseene

*

Kitne dil torh kar rakh diye hain
Gunch o gul ki bejaa hansee ne

*

Haan khushi bih hamen di gai thi
Gham bhi bakhsha magar aap hi ne

*

Bankpan mein khahan bankpan wo
Bankpan paye jo saadgi ne

*

Dushmani ne bhi angdaaiyaN li
Aankh kholi hi thi dosti ne

*

Ghaur se mere aansoo n deko
Gir padenge falaq se nageene

*

Hadse zindagi ke yaqeenan
Tum n hote to dete n jeene

*

Nakhuda kis pe hain un ka zimma
Je kinare pe doobe safeene

*

Reh gaya muskura kar mein “Aamir”
Mujh ko dhoka diya jab kisi ne

*

Click here for more kalam-e-Aamir Surati