Marhalay Shoq Ke Dushwar Howa Karte Hain

We would be extremely happy if you would tell others by pressing the share button below.

_________________

<< Mohsin Naqvi >>

*******

Marhalay Shoq Ke Dushwar Howa Karte Hain
Saaye Bhi Raah ki Dewaar Howa Karte Hain

*
Wo Jo Sach Boltay Rehnay Ki Kasam Khatay Hain
Wo Adalat Mein Gunaah-gaar Howa Karte Hain

*
Sirf Haathon Ko N Dekho Kabi Aakhen Bhi Padho
Kuch Sawaali Bare Khud-daar Howa Karte Hain

*
Wo Jo Pathar Yunhi Rastay Mein Pare Rehte Hain
Un Ke Seenay Mein Bhi Shaah-kaar Howa Karte Hain

*
Subaah Ki Pehli Kiran Jin Ko Rula Deti Hai
Wo Sitaaron Ke Ezadaar Howa Karte Hain

*
Jin Ki Aankhon Mein Sadaa Pyaar Ke Sehra Chamke
Dar Haqiqat Wohi Fankaar Howa Karte Hain

*
Sharam Aati Hai Ke Dushman Kise SamjheN “Mohsin”
Dushmani Ke Bhi To Me’ayaar Howa Karte Hain

***

<< Facebook | Twitter >>

*

( Click here for more kalam-e-Mohsin Naqvi )