Best and famous ghazal by Qateel Shifai

(Qateel Shifai ki behtareen aur mashoor ghazal)

*

Wo dil hi kya, tere milne ki jo dua n kare
Mein tujh ko bhool ke zindah rahun, khuda n kare

*

Rahega saath tera pyar zindagi ban kar
Ye aur baat..! meri zindagi wafa n kare

*

Ye theek hai nahin marta koi judaai mein
Khuda kisi se kisi ko magar judaa n kare

*

Suna hai us ko muhabbat duaayeN deti hai
Jo dil pe chaut to khaye, mgar gila n kare

*

Bujha diya hai naseeboN ne mere pyar ka chaand
Koi diya meri palkoN pe ab jalaa n kare

*

Zamana dekh chuka hai parakh chuka hai ise
“Qateel” jaan se jaaye par iltejaa n kare

*

Mazeed: kalam-e-Qateel Shifai