Muhabbat ki Duniya – Ghazal By Akhtar Shirani

♥

Muhabbat ki duniya main mashhoor kar dun
Mere saada dil, tujh ko maghroor kar dun

♥
Tere dil ko milne ki khud aarzoo ho
Tujhe is qadar gham mein maghmoom* kar dun

Maghmoom = Ghamgeen / Sad

♥
Mujhe zindagi door rakhti hai tum se
Jo tu paas ho to use door kar dun

♥
Muhabbat ke iqraar se sharm kab tak
Kabhi saamne ho to majboor kar dun

♥
Ye be-rangiyaN kab talak husn-e-rangeeN
Idhar aa.. tujhe ishq mein choor kar dun

♥
Tu gar samne ho to mein be khudi main
Sitaron ko sajde pe majboor kar dun

♥
Nahin zindagi ko wafaa warna “Akhtar”
Muhabbat se duniya ko ma’amoor* kar dun

Ma’amoor karna = bharna / tar-b-tar karna / roshan karna

♥
Poet: Akhtar Shirani

♥

Return to Bikhre Moti