Mujh Ko Bhi Ranj Aap Ke Sar Ki Qasam Huwa

<< Daagh Dehelvi >>

<< = >>

Jab ye suna ke “daagh” ka aazar kam huwa
ZaanoN pe haath mar ke bole. sitam huwa

*

But Khane ka nazara bhi gardan ka boj hai

Jab samne pada sar-e-tasleem kham huwa

*

Teri gali ka ek ye adna nishaan hai

Paida isi se jad-e-raahe-adam huwa

*

Afsos hai raqeeb ne ki aap se daghaa
Mujh ko bhi ranj aap ke sar ki qasam huwa

*

Kab shikwa-e-itaab se be-lutfiyaN miti

Sharmindagi gadhi jo wahan ghussa kam huwa

*

Kya dil dharak raha hai navid-e-visaal se
Jis ko khushi huii use aakhir ko gham huwa

*

(( Click here for more kalam-e-Daagh Dehelvi ))